Tap chungin khawvel ka hmachhawn tan a, hlimna karah tap chung bawkin hun ka chhiar liam leh a, hlim taka khawvel chhuahsan erawh ka la inbeisei fàn a. Chu mi hma chuan ka tan hlimni her chhuak ve hian ka ring tawh meuh lo. Ka lawmna leh hlimna, ka awmkhawhar min hnemtu chu ka tan vék tahna min thlén bang lotu a ni ta si.
Kum 2012, Vawkhniahzawn thla, ni 1 a lo her chhuaka, chu ni chu kei, heti khawpa haihawt tan hian ni chhinchhiahtlak, rilrua vawn reng ka tum loh chung pawha ka theihnghilh theih hauh loh tur ni pawimawh a ni. Pathianni a ni a, chawhma inkhawm banah hun engemaw chen atanga kan mangan ruk em emna pakhat chuan kan rilru a timangang zual tak meuh a ni. Zanriah ei hun dawn hnaiah phei chuan manganna avangin ka tawng a bahlah zova, ka tawngkam thiamnain min phatsan a, kawlvalenchhamah min thlawh bosan ta vek ni ber hian ka hria. Ka dang awkin min lem zova, sawi tur ngah em em thin khan a hun takah sawi tur ber ka vai leh si. Hlau ni si lovin ka khur ru dèr der a, tih tur ber ka hrethiam lova,ka che a fuh thei meuh lo a ni.
Chumi ni atang chuan khawvel thar ka thlir a lo ngai ta hial reng a. Ka hmathlir a thim mup a, a eng zawnga thlir tur engmah ka hre lo a ni ber mai. A huphurhawm zawng zela ka ngaihtuahna a kal chang a tam phah a. Chu ka lungngaihna chuan hrehawmna ruam thuk zawkah min hruai lut ang tih erawh ka hlau tak zet a ni.
Dik tak chuan kha thihna khan engkim a fun khawm vek a, chutih rualin buar par thliin a chhema a darh chiai chiai ang maiin vawi-lehkhatah a thlawk bo leh diak si thin. Hriau zum tak ang a ni a, a chhun pawh a na narawh.
Hlimna tehfung atana ka lo hman thin kha a hmantlak lo tial tial tih ka hre fiah uarh uarh a. Natna namenlo min thlentu a lo chang ta zawk a. Aizawl leh khawii lova zin haw nikhuaa hlim hmel pu var chunga, “Bawiha, i dam em? In rawn tluang maw...” tia min lo chhawn thintu kha a awm tawh lova, zin haw a huphurhawm ngawih ngawih tawh mai a ni e!
Eng vangin nge ui em em chunga ‘Ka pu, mangtha’ tih a ngaih le?
Lunglenna kut vawtin min man a, ka taksa, ka thisen zungzam zawng zawng a fan chhuak a. Lungngaihna sár a zam chiai a. Chakna réng ka nei ta lo. Mahse, Lalpa’n a hmangaitute tana a siam piallei mawina ni leh thlain a phei hrut lai hmu tur erawh chuan zuahin ka la awm ve hram hram a ni.
Dam thlup hian, “Bawiha, kha ni kha a huatthlala tiraw, in chhing mittui ka tana a sur ni kha. Engkim kha ka hmuh hmaih hauh lo. Ka taksa lumna a dai tial tial a, ka chhing riai riai a, in lungngai hmel kha ka chhin hnan ta a. Ka taksa khan lumna a pai tawh lo tih hre reng chung khan in la pawm reng tho si!
Engati nge min kuah ngawih ngawih hlawm le? Lum thlahleh thin khan vawt in ngaina ta thut chu a ni lo ang tir’u? Ka kalsan tak cheu vangin, in tih ngai loh chu in ti chauh zawk tiraw?
Ka ruang chungah in tap a, ka chhang thei lo che u. Rawl chhuah meuhin min au lawm lawm a, ka hre thei lo tih hre reng chungin min koh in tïm chuang lo kha ka hre lo a ni bik lova, ka hre reng asin! Ka hria tih ka hriattir thei lo che u a ni! In kohna chhan vat loh ka hreh zia leh in mi kohna ka ngaihpawimawh thin zia hretu chu nangmahni tho in nih kha. Mahse, ka chhang thei tawh lo che u a ni.
In tel lovin Hringlang tlang ka chuan a, ka rawn thlir a. Lunglohtui ka dawt mai thei lo, in tel lo chuan. Mahse, a tul miau si avangin ka dawt ta a. Tichuan, ka Pa ke bula thlamuang taka chawl turin rihtlang ka liam ta a. Chutah chuan ka lo nghak reng ang che u,” tiin min bia ni hian ka hre thin!
Kum 2012, Vawkhniahzawn thla, ni 1 a lo her chhuaka, chu ni chu kei, heti khawpa haihawt tan hian ni chhinchhiahtlak, rilrua vawn reng ka tum loh chung pawha ka theihnghilh theih hauh loh tur ni pawimawh a ni. Pathianni a ni a, chawhma inkhawm banah hun engemaw chen atanga kan mangan ruk em emna pakhat chuan kan rilru a timangang zual tak meuh a ni. Zanriah ei hun dawn hnaiah phei chuan manganna avangin ka tawng a bahlah zova, ka tawngkam thiamnain min phatsan a, kawlvalenchhamah min thlawh bosan ta vek ni ber hian ka hria. Ka dang awkin min lem zova, sawi tur ngah em em thin khan a hun takah sawi tur ber ka vai leh si. Hlau ni si lovin ka khur ru dèr der a, tih tur ber ka hrethiam lova,ka che a fuh thei meuh lo a ni.
Chumi ni atang chuan khawvel thar ka thlir a lo ngai ta hial reng a. Ka hmathlir a thim mup a, a eng zawnga thlir tur engmah ka hre lo a ni ber mai. A huphurhawm zawng zela ka ngaihtuahna a kal chang a tam phah a. Chu ka lungngaihna chuan hrehawmna ruam thuk zawkah min hruai lut ang tih erawh ka hlau tak zet a ni.
Dik tak chuan kha thihna khan engkim a fun khawm vek a, chutih rualin buar par thliin a chhema a darh chiai chiai ang maiin vawi-lehkhatah a thlawk bo leh diak si thin. Hriau zum tak ang a ni a, a chhun pawh a na narawh.
Hlimna tehfung atana ka lo hman thin kha a hmantlak lo tial tial tih ka hre fiah uarh uarh a. Natna namenlo min thlentu a lo chang ta zawk a. Aizawl leh khawii lova zin haw nikhuaa hlim hmel pu var chunga, “Bawiha, i dam em? In rawn tluang maw...” tia min lo chhawn thintu kha a awm tawh lova, zin haw a huphurhawm ngawih ngawih tawh mai a ni e!
Eng vangin nge ui em em chunga ‘Ka pu, mangtha’ tih a ngaih le?
Lunglenna kut vawtin min man a, ka taksa, ka thisen zungzam zawng zawng a fan chhuak a. Lungngaihna sár a zam chiai a. Chakna réng ka nei ta lo. Mahse, Lalpa’n a hmangaitute tana a siam piallei mawina ni leh thlain a phei hrut lai hmu tur erawh chuan zuahin ka la awm ve hram hram a ni.
Dam thlup hian, “Bawiha, kha ni kha a huatthlala tiraw, in chhing mittui ka tana a sur ni kha. Engkim kha ka hmuh hmaih hauh lo. Ka taksa lumna a dai tial tial a, ka chhing riai riai a, in lungngai hmel kha ka chhin hnan ta a. Ka taksa khan lumna a pai tawh lo tih hre reng chung khan in la pawm reng tho si!
Engati nge min kuah ngawih ngawih hlawm le? Lum thlahleh thin khan vawt in ngaina ta thut chu a ni lo ang tir’u? Ka kalsan tak cheu vangin, in tih ngai loh chu in ti chauh zawk tiraw?
Ka ruang chungah in tap a, ka chhang thei lo che u. Rawl chhuah meuhin min au lawm lawm a, ka hre thei lo tih hre reng chungin min koh in tïm chuang lo kha ka hre lo a ni bik lova, ka hre reng asin! Ka hria tih ka hriattir thei lo che u a ni! In kohna chhan vat loh ka hreh zia leh in mi kohna ka ngaihpawimawh thin zia hretu chu nangmahni tho in nih kha. Mahse, ka chhang thei tawh lo che u a ni.
In tel lovin Hringlang tlang ka chuan a, ka rawn thlir a. Lunglohtui ka dawt mai thei lo, in tel lo chuan. Mahse, a tul miau si avangin ka dawt ta a. Tichuan, ka Pa ke bula thlamuang taka chawl turin rihtlang ka liam ta a. Chutah chuan ka lo nghak reng ang che u,” tiin min bia ni hian ka hre thin!
No comments:
Post a Comment